حرقة دم

إحدي أسرع الوسائل للتيقن من أن العالم
يعج بالأوغاد وولود الخاطية ( بجانب أن تكون
عضو أقلية أو إمرأة مثيرة ) هي أن تمتلك سيارة ...

نوستالجيا

-actually you can never replace anyone... everyone is made of such beautiful specific details....what is lost is lost...

- you know why i wrote that stupid book...so you would come to a reading in Paris and i could walk up to you and ask where the fuck were you

- did you think i would be here today?

- what were the chances of us meeting again ?

- mmm...after that December i would say almost zero...but we are not real anymore huh ?

- i wish you would have been at Vienna by that December ...
our lives might have been so much different

- may be not...may be we would have hated each other eventually

- huh !! like we hated each other now ??!!

- who knows!!!...may be we are only good at brief encounters...walking around in europian cities in warm climate

- Oh god why didnt we exchange phone numbers and stuff at that time !!!

- because we were young and stupid!

- do you think we still are?

- i guess when you are young you just believe there will be many people you will connect with...but later in life you realize it only happens a few times...

- yeah and you screw it up...misconnect

- well the past is the past...it was meant to be that way

- you believe everything is fated ??

-may be the world is less free than we think...when given these exact circumstances...that is what will happen everytime

-what if your grandmother had lived a week longer..you know ...or passed away a week earlier ... things might have been different...

-well you cant think like that

- it is just on this one...it seemed like something was off...you know

-------------------------------------------------------------------------
* a scene from the brilliant movie Before Sunset
http://www.youtube.com/watch?v=VlEhbnNrcMw

لساه عبيط

قلبي العبيط لساه بيتعامل مع العالم بحسن نية حتي لو العالم مردش المعاملة بنفس الطريقة...
لساه بيقتنع بالمعطيات الظاهرية وبيصدق للوهلة الأولي الإحترام واللباقة في الكلام ويمشي معاه للآخر عشان يكتشف إن أحيانا أو غالبا الأكثر فظاظة و تلقائية هم الأكثر صدقا... التانيين عندهم القدرة إنهم يغلفوا سخافاتهم في شكل حلو مش أكتر...
لساه بيراهن عالحصان الخسران ويتشعبط في الأمل كنوع من محاولة لإثبات صحة وجهة نظره حتي لو إستهلك أعصابه لحد آخر نقطة في الإزازة...
لساه بيهتم بناس ويديهم كتير من وقته و يحاول قدر الإمكان يتلافي أي أخطاء إرتكبها في علاقاته القديمة عشان في النهاية يكتشف مدي صحة مقولة ( loving the wrong person the right way wont make any difference)...
لساه بيرفض وسط برد عاطفي قارص أي لفتة حنينة أو خدمة اتقدمتله بتكسر القاعدة من أي حد مش مطلوب منه يعمل كده.... لأنها ببساطة بتفكره وبتأكدله قد إيه اللي مطلوب منهم الكلام ده وماعملوهوش غلطانين في حقه...بيتحول ( زي التعبير العبقري لنرمين نزار ) لواحد من مصابي الحروق... لا يقبل أي نوع من التلامس...
لساه بيسلم رقبته لناس ويديهم كامل ثقته ويمكن يديهم أعذار لو طلعوا مش قدها ويزعل بعدين من غدر الطعنات اللي بيتفاجيء بيها في ضهره من أكثر ناس واثق إنهم هم اللي مأمنينه ومفيش ملمح خيانة من ناحيتهم...
لساه بيشوف جزء من الصورة وميفهماش في وقتها وبعد ما يلبس يكتشف قد إيه كان غبي وقد إيه العلامات اللي كانت في طريقه طول الوقت كانت واضحة لدرجة إنو مخدش باله منها....لساه دايس فرامل وبنزين وبيستغرب هيا ليه مش ماشية...بيبذل مجهود رياضي عنيف وفي نفس الوقت يمارس كل أنواع العادات الحياتية اللي ممكن تزود الوزن...بيتعامل بطريقة مدحت صالح في أغنية المليونيرات مع الوقت والفلوس...ويرجع يضرب نفسه بالجزمة اما يتصدم بإنعدام السيولة المادية والزمنية....
لساه بيستنا حاجات تحصل عشان يبدأ حاجات ناويها وبيخاف يخسر أو ميؤديش بشكل مثالي مع إنو عارف إنو أهم الحاجات اللي خسرها في حياته كان سببها الخوف من الخسارة وعدم المحاولة ...
لساه بيواجه نفس المشكلة في ترتيب أولوياته ... ويفكر نفسه كل شوية بجملة فيلم فيلليني الإيطالي الأشهر (otto e mezzo )... من الأفضل أن تهدم لا أن تبني عندما تفشل في تحقيق أساسياتك...
لساه متخيل إن المبلغ الكبير هيصغر لو قسمه علي دفعات متتالية يفصل بينها يوم أو يومين... ويرجع يشحن كارت تليفون يكفيه كام مكالمة و بعدها يشحن تاني يوم...بنزين يمشيه عشرين كيلو وهناك يدور علي أي محطة تانية يمون منها... يقف قدام مكنة الإي تي إم كل 3 تيام يسحب مبلغ صغير ....
لساه بايع حياته بشكل كامل للتوتر والقلق والنرفزة و يتخنق جدا إزاي العالم فيه كمية الندالة والوطيان والوساخة اللي عند البعض...
لساه عارف كل الكلام ده ومع ذلك بيجيد تكرار أخطائه بحذافيرها بكل ثقة وأريحية...ويلف في نفس الدايرة

********************

قلبى العبيط..

الحمد لله

لسـَّاه عبيط...

مع انه عارف ..

انه مش هيسكر

حتى لو يشرب محيط...

عمال يكربع فى ازازه الدراما

ويمز بالحواديت

قلبى العبيط...

فلينه واقعه

فى ازازه نبيت...

عن قصيدة لخالد كساب تحمل نفس الإسم

عن حاجز ما يمنع العبور للجانب الآخر

"well ... it's funny... Maria Elena and i are meant for each other and not meant for each other... it is a contradiction..."

Juan Antonio...from the exceptional movie Vicky Cristina Barcelona
http://www.youtube.com/watch?v=dEt1H9hkHvE

غياب الشيء يؤكد وجوده... والعكس

نادرا ما تصل لهذة الدرجة المتقدمة من طاقة العنف الداخلي المكتومة...تحاول أن تمارسها وتتخلص منها في شكل نرفزة سريعة مع عابر لا تعرفه يمر بسيارته في الاتجاه المعاكس أو بائع متجول لا يملك من الأمر شيئا...

تلعن الحضور الثقيل لأشخاص فرضت الحياة وجودهم الجبري في عالمك وتعتبر المساعدة الأكثر نبلا التي قد يقدمونها لك هي أن يتجنبوك وحسب... تعود وتلعن الغياب الأثقل وطأة لآخرون تحبهم وتحتاج إليهم بشدة كي يحموا ظهرك العاري ويشاركوك لحظاتك الأشد قسوة لكنهم لم يكونوا هناك...

يؤدي بك تضاؤل مساحات التواصل الحقيقي الممكنة إلي اللجوء لأنصاف الحلول...والإكتفاء بدردشة سريعة وتربيتة باردة علي كتفك لا تحمل الكثير من الود أوالمعني من شبه أصدقاء أدهشههم وربما أربكهم تقاربك المفاجيء وفضفضتك الصريحة...

تلعن الغائبون الذين عبروا ومضوا في صمت أو من تفصلك عنهم مشاغل وطقوس حياتية بحتة وتتذكر أبيات قرأتها في تدوينة صديق نقلا عن وديع سعادة....

العابرون سريعاً جميلون , لا يتركون ثقل ظل

ربما غباراً قليلاً , سرعان ما يختفى

الأكثر جمالاً بيننا المتخلى عن حضوره

الأكثر جمالاً بيننا : الغائب

أجملنا الذين ليسوا بيننا

الذين غادرونا خفيفين

بيانولا

أنــا دبــت وجزمتـى نعلهـا داب
مــن كتــر التدويــر عَ الأحبـاب
يـا سلمـلم لــو أعتــر فـى حبيب
ده أنا أرقـص من كتـر الإعجاب
كدهه ! كدهه ! كدهه !

أنـــا قلبـــى مزيكـــه بمفاتيـــح
من لمســه يغنــى لــك تفاريــح
مــع إنــى ما فطرتــش وجعــان
ومعـــــذب ومتيـــــم وجريــــح
باتنطط واتعفرت واترقص كدهه
كدهه ! كدهه ! كدهه !

بيانـــولا وألابنضـــه وحركــات
أطلعى بقى يا أنصاص يا فرنكات
أنـا عازمـك يا حبيـبى لما ألاقيك
علـى فسحـة فى جميـع الطرقات
نتنـطط نتعـفـرت نترقـص كدهه
كدهه ! كدهه ! كدهه !

----------------------------------------------------------------------------
* من أغنية تحمل نفس الإسم كلمات العبقري صلاح جاهين وأداء الرائعة سعاد حسني....نسخة أخري بصوت سامية صلاح جاهين: http://www.youtube.com/watch?v=_yCzaROX9zs

فيما يخص مسألة الأقلية

بتستفزك جدا كلمة القِلة أو الأقلية وشايف إنها ملهاش أي مدلول في حد ذاتها...

لفظ (القلة المندسة) نفسه إستخدمه السادات عشان يقلل من قيمة معارضيه ومات الراجل (بعد ما لبس البلد في الحيط تماما من وجهة نظري) وفضلت الكلمة عايشة وبتطلع لنفس الإستخدام...لإثبات أن معارضيك علي خطأ لأنهم ببساطة ملهمش قاعدة جماهيرية عريضة مؤمنة بأفكارهم...
مش شرط خالص علي فكرة إن المباديء والايديولجيات اللي بتنادي بيها الأقليات الفكرية تبقا غلط زي ما مش شرط خالص إن الغلط لو إتفق عليه معظم الناس بيتحول لصح...
الأديان نفسها كانت فلسفة ورسالة بدأت شرارتها من شخص واحد ربنا اصطفاه في وسط مجتمع كامل ضدها ومع الوقت اقتنع بيها قلة مستضعفة وسط أكثرية متجبرة...
المواطن اللي عدا عليه نظام زراعي فاشل قضي علي صحته ونظام إقتصادي أفشل حطه تحت خط الفقر... ليه متوقع منه يدخل نظام تعليمي أسوأ من الاتنين اللي فاتوا وجهاز إعلامي (...) وحط مكان النقط الكلمة اللي تعجبك... ويطلع من الناحية التانية شخص واعي ومتعلم وعنده القدرة الكاملة علي الإختيار بعيدا عن أي مؤثرات...أمريكا نفسها موصلتش للمرحلة دي من التطور الحضاري وألمانيا في عز مجدها كان إختيارها الديموقراطي هو هتلر...
الحياة عبارة عن شوية محاولات للفهم...الإنسان بيتولد بالبصر لكن بيجتهد وبيشتغل علي نفسه عشان يوصل للبصيرة ... يسمع كتير يدخل تجارب كتير يحتك مع الناس يعاشر كل الطبقات يقرا كتير آراء عكس بعضها ويتناقش فيها ويحط كل ده في دماغه و الزمن يطبخه عشان يوصل لوجهة نظر عميقة تقبل الخطأ أو الصواب... مش كل الناس عندها إستعداد إنها تذاكر وتدور في كل المطروح عالساحة لإن مش كل الناس عندها الرفاهية دي لأسباب كتير من أهمها لقمة العيش الأهم بيولوجيا من الوصول للحكمة... ويبقي الحل الأسهل والأسلم هو إنك تدور عالمانشيت العريض والمعلومة الجاهزة والمتوافرة...
ده لا ينفي غباء وتعالي أطراف تانية محطتش البني آدم ده في حسبانها ومحاولتش تتواصل معاه بطريقته أو تقدم له حلول عملية فانتهي بيه الأمر انه يطبق نظرية اللي نعرفه أحسن من اللي ما نعرفوش في معركة نتايجها كانت متوقعة بحذافيرها من قبلها بكتير....معادلة منطقية جدا تآمرت فيها حتي الأطراف دي علي نفسها ... راجع أمثلة زي البدري فرغلي و عمرو الشوبكي وانتا تعرف إن الموضوع مش إختيار مسبق عند الناس قد ما هو تفضيل للأقرب ليهم والأكثر تفاعلا معاهم...
زي ما برضو مش منطقي تماما الإعتقاد بان فصيل واحد أو شخص واحد (هو بشر في النهاية) يحتكر كل الصح... وآخرين برضو هما بشر في النهاية بيحتكرو كل الغلط...
من أول الدروس اللي الواحد اتعلمها بعد الثورة هيا انه يؤمن بالفكرة مش بالشخص أو الإنتماء السياسي... إيمانك بالشخص بيتحول مع تغير آراؤه لأي سبب إلي إعجاب حذر أو مقاطعة تامة وبتبقي مضطر تدافع عنه حتي في كلامه اللي انت نفسك شايفه غلط... إنما إيمانك بالفكرة هو اللي هيعيش...
في نفس الوقت ال Labeling أو إنك تحط نفسك تحت قالب أو مسمي أيا كان يساري أو ليبرالي أو إسلامي (راجع فيلم فوزية البرجوازية) فيه قصور شديد لإنه بيقيدك بأفكار وقناعات المجموعة دي كباكدج حتي لو جزء منه انتا شايفه مش مناسب...حتي التيار الإسلامي ممثل في الإخوان والسلفيين مش بيمثل الإسلام لكن بيمثل رؤيته هو للإسلام و دي ممكن نختلف عليها أو نتفق...
في النهاية الإنسان عبارة عن بازل أو لعبة مكعبات هو بيكونه بنفسه ومينفعش ينسخه كاصطمبة من حد تاني...الجزء ده من الفكر ده والجزء ده من الفكر المقابل وده من مكان تالت خالص...طبيعي في الآخر يبقي فيه لون ما غالب عالموضوع لأن لازم يبقا ليك توجه لكن اللي مش صح ومش طبيعي انك تسيب حد يكَونلك البازل بتاعك من الألف للياء... مش عيب إنك تبقا يساري أو إخواني أو ليبرالي أو سلفي لكن العيب إنك متفكرش ومتستخدمش مخك... إنك تعرف إمتا إنت أو جماعتك صح وإمتا إنتو غلط ... إنك تعترف بنقط ضعفك وتتعب علي نفسك عشان تعالجها ونقط قوتك وتحاول توظفها لانتمائك الأكبر لديانتك ولبلدك...إنك تبقا فاكرإنك محتكر حصريا كل الحقيقة وإن وجود الطرف الآخر في حد ذاته إعتداء عليك...لإن الحياة بكل بساطة مش مربعات أبيض وأسود زي لوحة الشطرنج...فيه ألوان ودرجات كتير في النص بتحتمل الصواب... العيب فعلا إنك متعرفش الفرق بين شخص أراد الحق فأخطأه وشخص تاني أراد الباطل فأصابه...

نقطة نور

وكل إنسان هو من يصنع نفسُه يا حُلوَتي...
وفي الغالب يصنَع نفسُه بالصراع ضِد ماضيه...

<< بهاء طاهر علي لسان أحد أبطال روايته...نُقطة النور >>

عن بدايات أفضل حالا

الشتاء وبداية سنة جديدة يثيران بداخلك نسمات من التفاؤل الحَذِر...
البدايات بشكل عام عادة ما تأتي بعبق الأمل حتي وإن تراجع مع الوقت...
أنت شخص قلوق تفتقد للحسم وتحمل معك الكثير من الأحلام المؤجلة والفرص الضائعة لابد أن تعترف بهذا... لكنك في الوقت ذاته علي يقين أن محصلة مونتاج دراما حياتك ليست هباء خالصا... مشيت الكثير لتصل لهُنا... وتملك الفرصة والمعرفة والثقة بقدراتك ما يؤهلك للوصول لما هو أبعد و إصلاح ما أفسده التأجيل والتراخي أو بعضا منه علي الأقل... لاشيء يمنحك الجرأة والشجاعة مثلما يفعل اليأس والهزائم المتتالية... والعام المنصرم قد أعطاك منها ما يكفي

ديكالوج

أنا أعمى على المكشوف
أربع أبعاد الشوف
البعد الأول روحي
والبعد التاني طموحي
والبعد التالت جهلي
والبعد الرابع خوف

العرض بيسرق مني
والطول مش راضي يعيني
والعمق اتحول سطحي
والوقت بتاكله ظروف

ويميني ناسية تسمي
وشمالي بتشرب دمي
وجبرني الحزن و هَمَي
عالمعنى المش معروف

-----------------------------------------------
* من تراك لمريم صالح وكلمات ميدو زهير يحمل نفس الإسم http://www.youtube.com/watch?v=AZm4459OR50&feature=related