التورتة في خدمة الشعب

انا: يا عم بص لي وانا بكلمك
الملازم الوغد: ماليش كلام معاك...بكره تروح تستلم رخصة السواقة من العتبة...يا كده يا تتصالح ودي وتشوفنا عشان نشوفك
أمين شرطة يصحب فتاة:الانسة معهاش رخص خالص ولا حتي بطاقة ونمر العربية مطموسة
(الانسة تسحب الملازم جانبا لدقائق في حوار هامس)
الملازم الوغد: خلاص اتكلي علي الله ويا ريت تخلي بالك بعد كده ماتمشيش من غير ورق خالص كده (تذهب الفتاة بعيدا خارج الكادر)
أنا:خليك معايا انا بقي... معاييش فلوس كفاية ...قدر ظروفي زي ما بتقدر ظروف ناس كتير...ايش حال ما انتا نفسك شايف رخصة العربية من يومين في نفس اللجنة وانتا فاكرني وفاكر كده كويس...اديني فرصة حتي ارجع البيت اجيبهالك
الملازم الوغد: بترغي كتير ليه...مخالفة مشي من غير رخصة تسيير...قانونا ممكن اخد منك العربية كمان لو عايز
أنا (في سري) : ما انتا بروح امك عامل الكمين والليلة دي كلها عشان تلم قرشين كويسين...(اعود الي السيارة والعنه في سري) واصرخ:وقانونا مفروض ظابط كبير هو اللي يمسك اللجنة
الملازم الوغد:والنجمة اللي علي كتفي دي مش عاجباك
اتركه واغلق باب السيارة بعنف...اقود السيارة سريعا للمنزل وما ان اصل حتي احاول الاتصال بها...ربما يكون مغلقا...اااااه يا براح عمال بيضيق