الأرض زهرية فاضية

مْا تِفّتِكْرْشّ إِنِّى بَتْعَبْ لَمَّا بِتْسَافِر... أَنْا بَسّ بَنْسَاك.. وأعَافِّر ... وأعَافِّر ف الدُنْيّا مِنْ غِير أَخّ... مَا تِفْتِكِرْشّ إِنّى شَّاعِر ...إِنْتَ مُشّ فَاهِم!!!... أَصْل الغُنْا زَهْرَة... فِى كُل المَوَاسِم... يَا خْسَارَة... مَا بْتِطْلَعْشّ... مَا تِفْتِكِرْش إِنّى نَعْشّ... أَو كُبايَات فَاضّيَة... أَنا كُبَّايَات عَصِّير قَصَب مَلْيَانَة ع الآخِر ...والخَّلْق مَا بْتِشّرَبْش ...مَا تِفْتِكِرْشّ إنِّى تَاجِر نُورْ ...و رُلْمَان بِلّى ...مُصَفّحَات مِن عُيُون النَاس بْتِتْفَجَّر... و إِنْتَ العُيُون والبِضَاعَة ...وزِيطِة المَتْجَر ...والأَرْض بنْشَّارِة خَشَّبْ مَفْرُوشَة تِتّدَارَى دَمّي الشَّجِى مَا يبَانْش... و إنْ كُنْت فَاكِر يا نِنِّى عِينِى إِنّى بَتْعَب لَمَّا بِتْسَافِر... كُلّ الحَمْام هَاجِر ...كُلَ النَسَايِم خَنَاجِر... كُلَ العُيًون طَالْعَة فِ الصُورَة ولا بِتِلْمَعْشّ... فَكَّرْتِنْى بَالّذْى مِن مَطْرَحُه إتّاخِر عَشّان يِقَعَّدْنِى... أَكْتِب شِّعْر وأَذَاكِر... فَكَّرْتِنِى بِالمَبَاخِر... بِالجَمْر تَحّتْ بِحُور مِن عِشّقْ شَمْس بْنُوت بِتِتّبَخّر... أَنْا مِشّ بَحِبَّك بَسّ بَتْبَخَّر... و أَقْدَر أَعِيِشّ أَقْدَر... لمَّا تَاخُدْنِى المَرَاكِب و إنْتَ مُشّ رَاكِب ...و أَخَبِّى تَحْت المَرَاتِب قَلْبِى حُقّ بخور ...مَتْشِدّنِيْش مِن شَعْرْى يَا عَصْفُور... أَنْا مِش هَطِير ...و الحَبِيب مِن كُلَ نُور غَايِب ...الأَرْض زُهّرِيّة فَاضْيَة واللّبَن رَايِب... واللِّيل مِعَبّى فِ زَكَايِب فِ انْتِظَار النُور
----------------------------------------------------------------------------
*قصيدة للرائع ابن الاروع بهاء جاهين