أول مرة

• أول مرة ابقي بقفل معاها وحاسس في ثانيتها اني عايز اتلكك عشان اكلمها تاني عشان ماشبعتش منها...

• أول مرة افضفض اوي كده وابقي محتاج جلدة لحبس تدفق المشاعر اللاارادية من غير ما افكر شكلي هيبقي ايه قدامها...

• أول مرة ابقي نفسي اعتذرلها بمعدل بوسة في عينيها عن كل غلطة ممكن اكون غلطتها من غير ما اقصد...

• أول مرة ابعد عن حد لفترة مش قصيرة وارجع اكلمه والمكالمة تمشي ولا كأننا كنا لسه قاعدين مع بعض انبارح...لا فترات صمت طويلة ومحرجة...لا مشاعر مرتبكة او أسئلة تافهة لاخفاء التوتر...ولا محاولات يائسة لارجاع الدفء لاسلاك الهاتف التي صدئت وهي عملية شبيهة بالتسخين قبل المطش بعد فترة ابتعاد عن الملاعب...ابتدينا علطول من غير بروفات...
  

• أول مرة يبقي نفسي ابص في عينيها والمس شعرها واطلب منها تسامحني....

• أول مرة اتاكد بما لا يدع مجالا للشك ان انا بحبها اوي كده...

• أول مرة ابقي محتار ومش قادر احدد مشاعرها او اتجاه تفكيرها نوهائيا...

• أول مرة ابقي ممنون بهذا الشكل لشركة فودافون ودورها الرائد في تطوير العملية العاطفية...

• أول مرة اثبت لنفسي ان كثرة الكلام ليست دليل علي كثرة التواصل...وابقي مقتنع جدا باهمية واحترافية البودي لانجويج (محدش يفهمني غلط) مجرد اني احط راسي علي كتفها او العكس عشان فارق الطول الشنيع...واغمض عينيا خالص...
  

• أول مرة اكتب حاجة وليدة اللحظة بالشكل ده...